Federacion Galega de Esqui Nautico

👉 Debido á grave situación de incendios forestais en Ourense, e en cumprimento do aviso oficial da Secretaría Xeral para o Deporte, vémonos na obriga de suspender o Campionato previsto.

🔥 A prioridade agora é non interferir cos labores de extinción, especialmente co abastecemento de auga que están a realizar os medios aéreos.

📆 Estímase que o Campionato se celebre finalmente os días 19 e 20 de setembro (venres e sábado).

🤝 A FGEN tentará compensar aos riders polo cambio de datas, buscando que este esforzo non repercuta negativamente nin no seu rendemento nin na súa experiencia deportiva.

🙏 Sentimos fondamente as molestias que isto poida ocasionar a deportistas, clubs e familias, pero entendemos que a situación actual require a máxima responsabilidade.

💪 O noso compromiso co deporte segue intacto, volveremos máis fortes e con máis ilusión na nova convocatoria.

🏆 Campionato Ibérico – Copa Deputación 2025
📍 Embalse da Frieira – Cortegada de Baños (Ourense)
🗓️ 23 de agosto de 2025

A Federación Galega de Esquí Náutico publica a lista provisional de inscritos para o Campionato Ibérico – Copa Deputación 2025, que terá lugar no incomparable escenario do Balneario Histórico de Cortegada, nas beiras do río Miño.

💦 As disciplinas de Esquí Náutico (Infantil, Minislalom, Slalom e Figuras), así como de Wakeboard e Wakesurf en todas as súas categorías, contarán cunha destacada participación de deportistas galegos e doutras comunidades.

📄 Esta relación é provisional e poderá sufrir modificacións.
🗓️ O prazo para comunicar incidencias ou correccións estará aberto ata o 21 de agosto de 2025.
📧 As comunicacións deberán realizarse ao correo oficial da Federación: [correo de contacto].

Cortegada acollerá o mellor esquí náutico e wakeboard no Campionato Ibérico – Copa Deputación 2025

📅 23 de agosto
📍 Embalse de Frieira – Balneario Histórico de Cortegada de Baños (Ourense)

O lugar máis espectacular de Galicia para o esquí náutico e o wakeboard será o escenario do Campionato Ibérico – Copa Deputación 2025 🏅.
Organizado pola Federación Galega de Esquí Náutico co apoio da Deputación de Ourense e o patrocinio de ABANCA, reunirá a deportistas de todas as idades 🧒👨‍🦳 competindo en:
🎯 Slalom | 🤸 Figuras | 🏄 Wakeboard | 🌊 Wakesurf

📆 Programa:

• 📍 Venres 22 → Adestramentos oficiais (con reserva previa).
• 📍 Sábado 23 → Competicións todo o día, con finais pola tarde 🔥.

📝 Inscricións abertas ata o 21 de agosto nos clubs organizadores:
⛵ Club Náutico San Telmo
⛵ Agolada Club Náutico
⛵ Club Esquí Náutico Dummies

💡 Federados nacionais que se inscriban antes do 18 de agosto → GRATIS ✅

ℹ️ Máis información, normativa e follas de inscrición dispoñibles na web oficial da Federación Galega de Esquí Náutico.

A Federación Galega de Esquí Náutico e Wake (FGEN) anuncia a celebración da Exhibición Náutica Cidade da Coruña, que terá lugar o vindeiro 22 de novembro de 2025 no entorno da Marina Coruña, dentro do marco do A Coruña Nautical Festival.

A organización do evento foi acordada nunha reunión celebrada o pasado martes, na que participaron Alfonso Rey, representante da sección de wake da Federación Galega, Zulema Padro, en representación do Marítimo de Vigo, e Manolo Seoane, responsable da Semana Acanca. Xunto con Jacobo Pereira, presidente da FGEN, definíronse os principais detalles desta exhibición que busca achegar á cidadanía o mundo dos deportes náuticos.

A exhibición incluirá demos espectaculares de wakeboard, wakesurf e Dragon Boat 22, contando coa participación de deportistas galegos de referencia. Será unha xornada gratuíta e aberta ao público, orientada tanto a afeccionados como ao público xeral.

O evento conta co apoio institucional do Concello da Coruña, Turismo da Coruña, Deporte Galego, a Xunta de Galicia, así como da Marina Coruña e empresas colaboradoras como Gadis, Vanguard, ATX Surf Boats, entre outras.

Desde a Federación agradecemos o compromiso e implicación de todas as entidades participantes, e convidamos a toda a veciñanza a gozar dunha auténtica festa náutica na cidade herculina.

A nosa deportista Simoneta Suárez acadou un espectacular 10º posto no Campionato de Europa sub14, celebrado esta semana en Seseña (Toledo), converténdose nunha das mellores esquiadoras da súa categoría a nivel continental.

🔝 Con tan só 13 anos, Simoneta deixou atrás a rivais de potentes seleccións como Francia, Italia ou Reino Unido, demostrando un talento e unha madurez deportiva que auguran un futuro brillante para o esquí náutico galego e español.

💪 Este resultado é froito dun programa de adestramentos tutelado polo adestrador e récord absoluto de España Iván Morros, nas instalacións de Botaski, onde se preparou en condicións de máximo nivel competitivo.

📣 Este gran paso adiante foi posible grazas ao apoio da Federación Galega de Esquí Náutico, do Clube Esquí Náutico Dummies e da Deputación de Ourense, que subvencionaron en gran medida esta preparación deportiva de alto nivel.

📺 A gran final disputouse o domingo e puido seguirse en directo a través de streaming, cunha gran expectación por parte da comunidade deportiva.

Desde a FGEN felicitamos con orgullo a Simoneta e continuamos traballando para ofrecerlle ás nosas promesas as mellores condicións para seguir medrando. O futuro do esquí náutico galego está asegurado!

A nosa deportista Simoneta Suárez está a brillar no Campionato de Europa U14 en Seseña (Toledo), conseguindo un excelente resultado nas eliminatorias que lle permite clasificarse para disputar as finais este domingo 🙌.

🎯 Final: domingo 21 de xullo
🕗 Hora: 8:00 h (hora galega)
📺 Síguea en directo en streaming:
🔗 https://www.youtube.com/live/7tO-Ldgq7lM?si=Jh_2vOtGaii-W3lN

---

💙 Apoio da FGEN e adestramentos de elite en Botaski

Este logro é froito do traballo constante e tamén do apoio da Federación Galega de Esquí Náutico, que vén de impulsar un programa de adestramentos específicos para Simoneta nas instalacións de Botaski (Madrid) 🛶.

Durante estas sesións, estivo tutelada polo adestrador e récord absoluto de España, Iván Morros 🇪🇸, un referente nacional que compartiu colexios clave para mellorar o rendemento e perfeccionar a técnica de cara a competicións internacionais.

📍 Lugar: Botaski (Madrid)
👤 Adestrador: Iván Morros
📅 Período: preparación previa ao Europeo
🎯 Obxectivo: Alto rendemento e pulido técnico

---

Desde a FGEN queremos felicitar a Simoneta polo seu gran papel e animar a toda a familia do esquí náutico galego a seguíla en directo este domingo. A forza do deporte base está no apoio colectivo! 💪🌟

🌊 CHEGA A COPA DEPUTACIÓN DE OURENSE 2025 – OPEN IBÉRICO 🏄‍♀️

Os vindeiros 22 e 23 de agosto de 2025, a Pista de Cortegada, no río Miño (Ourense), será o escenario dunha nova edición da Copa Deputación de Ourense – Open Ibérico, enmarcada na prestixiosa Semana ABANCA.

Este evento reunirá ás e aos mellores especialistas nas disciplinas de wakeboard, wakesurf e esquí náutico, nunha cita que xa é referente no calendario ibérico dos deportes acuáticos.

📅 O 22 de agosto estará reservado para os adestramentos oficiais
🏆 O 23 de agosto celebrarase a competición oficial, aberta a todas as categorías.

A organización corre a cargo do Clube Esquí Náutico Dummies, coa colaboración da Federación Galega de Esquí Náutico, a Deputación de Ourense, a Xunta de Galicia e numerosos patrocinadores que fan posible esta gran cita deportiva.

🔗 Para máis información, consulta o programa escaneando o código QR do cartel.

A Federación Galega de Esquí Náutico e Wakeboard anuncia a celebración conxunta do Trofeo Abanca e do Open Ibérico de Esquí Náutico, Wakeboard e Wakesurf, que terá lugar o sábado 23 de agosto de 2025 no río Miño, á altura da cidade de Cortegada (Ourense).

Este evento constituirá unha das citas máis destacadas do calendario galego e ibérico da tempada, reunindo deportistas de alto nivel das modalidades de wakeboard e wakesurf, tanto de Galicia como do resto do Estado e Portugal.

💦 O Trofeo Abanca, patrocinado pola entidade financeira galega, reforza a aposta por un deporte sostible, seguro e con proxección internacional, consolidando a súa presenza no circuíto galego de esquí náutico.

🌍 O Open Ibérico representa unha oportunidade excepcional para medir o nivel deportivo a escala peninsular, fomentando a convivencia e a competitividade entre deportistas de diferentes rexións.

📅 Data: sábado 23 de agosto de 2025
📍 Lugar: Cortegada (Antigo Balneario) – Río Miño
🏄‍♀️ Disciplinas: Esquí Náutico, Wakeboard e Wakesurf
🎖️ Eventos: Trofeo Abanca Copa Deputación Ourense & Open Ibérico

O evento contará con todos os medios técnicos, xuíces federados e sistema de puntuación homologado segundo os regulamentos vixentes. Nos próximos días publicarase a convocatoria oficial con horarios, regulamentos e procedemento de inscrición.

---

📆 Calendario oficial 2025 (FEENW)

Outros campionatos destacados incluídos no calendario oficial da Federación Española de Esquí Náutico e Wakeboard para esta tempada:

• BOTASKI PRO AM – do 26 ao 29 de xuño en Seseña (Toledo)
• Campionato de Europa sub14-sub17 de esquí náutico – do 16 ao 20 de xullo en Seseña
• Campionato Open Internacional de Lleida – 25 e 26 de xullo
• Campionato de Cataluña de esquí náutico – 26 e 27 de xullo
• Campionato do Mundo Sub-21 – do 28 de xullo ao 3 de agosto en Calgary (Canadá)
• World Games – do 5 ao 12 de agosto en Chengdu (China)
• Campionato de Europa Open de esquí náutico – do 7 ao 10 de agosto en Steyregg (Austria)
• Campionato de Europa de Cable Wakeboard & Wakeskate – do 18 ao 23 de agosto en Sosnowiec (Polonia)
• Campionato de Europa Sub-21 de esquí náutico – do 19 ao 22 de agosto en Raasdorf (Austria)
• Campionato de Europa de Carreiras – do 23 ao 31 de agosto en Viersel (Bélxica)
• Campionato do Mundo Open – do 26 ao 31 de agosto en Recetto (Italia)
• Campionato de Europa +35 – do 3 ao 7 de setembro en Melice (Rep. Checa)
• Campionato de Europa Open Cable Wakeboard & Wakeskate – do 8 ao 13 de setembro en Triolago (Alemaña)
• Campionato de España Wakeboard & Wakesurf – 20 e 21 de setembro en Entrepeñas
• Campionato de España de Esquí Náutico – 27 e 28 de setembro en Madrid
• Campionato Seseña’s International Slalom – 4 e 5 de outubro
• Campionato de Europa de Wakeboard Barco – do 13 ao 19 de outubro en Deltebre
• Campionato de España de Cable Wakeboard & Wakeskate – 25 e 26 de outubro en Almería

---

👉 Federación Galega de Esquí Náutico – Impulsando o deporte na auga desde Galicia para o mundo. Co patrocinio de:

A Federación Galega de Esquí Náutico afronta este ano con novas iniciativas e proxectos que buscan o fortalecemento e desenvolvemento deste deporte en Galicia. A día de hoxe, as seguintes actividades están programadas e servirán como base para seguir avanzando:

🏆 2º Campionato Galego de Esquí Náutico combinado – Open Ibérico Abanca
O evento deportivo de referencia no esquí náutico galego reunirase nas sedes de Tui e Ourense, o último fin de semana de agosto, para acoller as catro disciplinas da especialidade. Unha cita clave tanto para deportistas como para afeccionados.

🚺 Fomento da Muller e o Deporte – Apoio á base
A FGEN impulsa a participación feminina no esquí náutico con unha dotación de 3.000 €, destinada a apoiar os clubes galegos na organización de actividades específicas para mulleres, fomentando así a práctica e a base deste deporte.

🏅 Cursos de Iniciación ao Esquí Náutico
Grazas á colaboración coa Deputación de Ourense, levaranse a cabo cursos de iniciación en colaboración cos concellos de Cortegada e A Veiga, achegando esta disciplina a novos deportistas e promovendo a súa expansión no territorio galego.

📢 Asamblea Xeral da FGEN – Propostas e planificación
Todos estes temas serán abordados na próxima Asamblea Xeral da FGEN, que se celebrará en Tui antes de final de mes. Será un espazo clave para definir as liñas estratéxicas da Federación, así como para valorar a inclusión de novas propostas e a posible modificación dos temas xa expostos.

Os asambleístas terán a oportunidade de aportar novas ideas e debater sobre a planificación futura, asegurando que o esquí náutico en Galicia continúe a súa evolución de maneira estruturada e efectiva.

Desde a FGEN animamos a todos os membros a participar activamente e a achegar as súas propostas para seguir impulsando este deporte.

Estade atentos ás novidades e vémonos na auga! 🌊⛷️

«Dende a Federación Galega de Esquí Náutico desexámosche unhas Festas cheas de ilusión, alegría e momentos inesquecibles. Que o novo ano veña cargado de éxitos e aventuras no auga! Bo Nadal e Feliz Ano Novo!»