Cortegada, 20 de setembro de 2025
Nin o vento moderado nin a lixeira choiva que acompañaron a mañá no encoro de Cortegada puideron empañar a celebración da Copa Deputación de Ourense de Esquí Náutico e Wakeboard 2025, unha das citas destacadas da prestixiosa Semana ABANCA. A proba, que tivera que ser aprazada en agosto debido aos incendios forestais que afectaron a Galicia, viviuse cunha especial emoción por parte de deportistas, técnicos e público.
Organizada pola Federación Galega de Esquí Náutico (FGEN) co apoio da Deputación de Ourense e do Concello de Cortegada, a xornada reuniu a participantes de toda Galicia e de clubs nacionais de referencia, consolidando a Cortegada como un dos escenarios clave do calendario autonómico.
Bo nivel deportivo 💥
Na modalidade de slalom, varios esquiadores acadaron moi boas marcas, confirmando a progresión da canteira galega e o alto nivel das categorías sénior e open. En wakeboard e wakesurf, o público gozou cun amplo repertorio de trucos espectaculares e manobras de gran calidade, que arrincaron aplausos en cada manga.
A competición contou ademais cunha categoría de iniciación de esquí náutico, destinada a novos deportistas procedentes dos cursos de promoción do deporte base impulsados pola FGEN, reforzando así o compromiso federativo coa formación e coa captación de talento.
Resultados destacados 🏆
- Esquí Infantil / Hipermini
🥇 Nicolás Figueiredo (Dummies)
🥈 Paula Silva (Dummies)
🥉 Mateo Bernardez (Dummies) - Mini Slalom
🥇 Juan Pinal (Dummies)
🥈 Nicolás Jiménez (San Telmo)
🥉 Alberto Estévez (San Telmo) - Sub 17
🥇 Simoneta Suárez (Dummies)
🥈 Pedro Suárez (Dummies)
🥉 Lourdes Suárez (Dummies) - Slalom Open
🥇 Nicolás Reguera (Arcade)
🥈 Martina Senra (Arcade) - Slalom Sénior
🥇 Ruy Andrade (Dummies)
🥈 Martín Vázquez (A Golada Clube) - Wakeboard Infantil
🥇 Pablo Riveras (CN Vigo)
🥈 Luis Míguez (CN Vigo)
🥉 Arlises Roncero (CN Vigo) - Wakesurf Feminino
🥇 Raquel Rodas (San Telmo)
🥈 Aitana Vidal (Dummies)
🥉 Martina Senra (Arcade) - Wakesurf Infantil
🥇 Marina Dugo (CN Entrepeñas)
🥈 Sofía Li (CN Vigo)
🥉 Candela Rey (San Telmo) - Wakeboard Máster / Sénior
🥇 Miguel Vázquez (Dummies)
🥈 Gonzalo Rey (San Telmo)
🥉 Guillermo Pérez (San Telmo) - Wakeboard Feminino
🥇 Marina Dugo (CN Entrepeñas)
🥈 Ana Freixas (CN Entrepeñas)
🥉 Sofía Dugo (CN Entrepeñas) - Wakeboard Masculino
🥇 Pablo Dugo (CN Entrepeñas)
🥈 Gonzalo Rey (San Telmo)
🥉 Miguel Vázquez (Dummies)
Respaldo instituciona
O evento converteuse tamén nun escaparate institucional e social. A entrega de premios contou coa presenza de directivos de ABANCA, representantes da Xunta de Galicia, Deputacion de Ourense, o alcalde de Cortegada e diferentes patrocinadores, nun claro xesto de apoio ao deporte náutico galego.
Balance organizativo
O alto nivel competitivo, as boas marcas acadadas no auga, o espectáculo de trucos en wakeboard e wakesurf e a incorporación da categoría de iniciación procedente dos cursos de promoción confirmaron a Cortegada como sede de referencia do esquí náutico en augas interiores.
A Federación Galega de Esquí Náutico destacou a gran proxección da canteira galega e o esforzo dos clubs participantes (Arcade, San Telmo, A Golada Clube, Dummies, CN Vigo e CN Entrepeñas), así como a consolidación da Semana ABANCA como escaparate internacional do deporte en Galicia.
Agradecementos
A FGEN agradece a colaboración da Deputación de Ourense, o Concello de Cortegada, e moi especialmente o apoio de ABANCA e dos diversos patrocinadores que fan posible a celebración deste evento dentro da Semana ABANCA 2025.
💥 A selección galega de esquí náutico está lista para facer historia!
Os nosos deportistas representarán a Galicia no Campionato de España 2025, que se celebrará nos próximos días en Madrid, e farano competindo nas disciplinas de Slalom ⛷️ e Figuras 🎭.
🏆 Con talento, ilusión e moito traballo detrás, a FGEN presenta un equipo cheo de paixón e futuro, que loitará por situar á nosa comunidade no máis alto do podio.
👏 Queremos dar todo o noso apoio aos clubs galegos e ás e aos nosos esquiadores, que xa son un orgullo para Galicia.
📣 Agora só falta que a nosa afección estea ao seu lado, animando dende a casa e nas beiras da auga.
🚤💦 Imos Galicia! A por todas no Campionato de España 2025! 🇬🇦💙
Cortegada acollerá o mellor esquí náutico e wakeboard no Campionato Ibérico – Copa Deputación 2025
📅 19-20 de setembro
📍 Embalse de Frieira – Balneario Histórico de Cortegada de Baños (Ourense)
O lugar máis espectacular de Galicia para o esquí náutico e o wakeboard será o escenario do Campionato Ibérico – Copa Deputación 2025 🏅.
Organizado pola Federación Galega de Esquí Náutico co apoio da Deputación de Ourense e o patrocinio de ABANCA, reunirá a deportistas de todas as idades 🧒👨🦳 competindo en:
🎯 Slalom | 🤸 Figuras | 🏄 Wakeboard | 🌊 Wakesurf
📆 Programa:
- 📍 Venres 19 → Adestramentos oficiais (con reserva previa).
- 📍 Sábado 20 → Competicións todo o día, con finais pola tarde 🔥.
📝 Inscricións abertas ata o 17 de setembro nos clubs organizadores:
⛵ Club Náutico San Telmo
⛵ Agolada Club Náutico
⛵ Club Esquí Náutico Dummies
💡 Federados nacionais que se inscriban antes do 14 de setembro → ADESTRAMENTO E COMPETICIÓN GRATIS ✅
ℹ️ Máis información, normativa e follas de inscrición dispoñibles na web oficial da Federación Galega de Esquí Náutico.
Categorías
🔴 Comunicado oficial | Actividade náutica suspendida en Ourense
A Federación Galega de Esquí Náutico (FGEN) informa de que as xornadas de iniciación ao esquí náutico en A Veiga, previstas para sábado 30 e domingo 31 de agosto de 2025, en horario de 13:00 a 19:00 h no encoro de Prada, quedan suspendidas.
Esta decisión adóptase tras o aviso da Secretaría Xeral para o Deporte (20/08/2025), que suspende a actividade deportiva federada náutica/acuática na provincia de Ourense ata novo aviso, ese aviso segue activo a día 26 de agosto o que imposibilita a xestión da actividade.
A Xunta Directiva da Federación comprométese a que, no ano 2026, A Veiga sexa a sede do Open Ibérico e que se volvan promover os cursos da Deputación de Ourense.
A Federación Galega de Esquí Náutico, en colaboración coa Deputación de Ourense e o Concello de A Veiga, organiza dúas xornadas de iniciación ao esquí náutico dentro do marco do Programa de Fomento Deportivo 2025, unha iniciativa que busca achegar o deporte a toda a provincia, especialmente ao ámbito rural.
📌 Detalles da actividade
- 📅 Datas: sábado 30 e domingo 31 de agosto de 2025
- 🕐 Horario: de 13:00 h a 19:00 h
- 📍 Lugar: Encoro de Prada, A Veiga (Ourense)
- 👥 Participación: grupos reducidos (8–10 persoas/día)
- 🎯 Niveis: iniciación, práctica guiada e perfeccionamento
- 👩🦰 Prioridade de inscrición: deporte base e participantes femininas, en consonancia cos obxectivos de igualdade e inclusión do programa
ℹ️ Inscricións e contacto
As prazas son limitadas, polo que se recomenda anotarse canto antes.
📞 632 198 249
✉ igualdade@aveiga.gal
👉 Unha oportunidade única para gozar do deporte, da natureza e da convivencia nun dos mellores escenarios naturais da provincia.
Categorías
📢 Lista provisional de inscritos
🏆 Campionato Ibérico – Copa Deputación 2025
📍 Embalse da Frieira – Cortegada de Baños (Ourense)
🗓️ 23 de agosto de 2025
A Federación Galega de Esquí Náutico publica a lista provisional de inscritos para o Campionato Ibérico – Copa Deputación 2025, que terá lugar no incomparable escenario do Balneario Histórico de Cortegada, nas beiras do río Miño.
💦 As disciplinas de Esquí Náutico (Infantil, Minislalom, Slalom e Figuras), así como de Wakeboard e Wakesurf en todas as súas categorías, contarán cunha destacada participación de deportistas galegos e doutras comunidades.
📄 Esta relación é provisional e poderá sufrir modificacións.
🗓️ O prazo para comunicar incidencias ou correccións estará aberto ata o 21 de agosto de 2025.
📧 As comunicacións deberán realizarse ao correo oficial da Federación: [correo de contacto].
A Federación Galega de Esquí Náutico e Wake (FGEN) anuncia a celebración da Exhibición Náutica Cidade da Coruña, que terá lugar o vindeiro 22 de novembro de 2025 no entorno da Marina Coruña, dentro do marco do A Coruña Nautical Festival.
A organización do evento foi acordada nunha reunión celebrada o pasado martes, na que participaron Alfonso Rey, representante da sección de wake da Federación Galega, Zulema Padro, en representación do Marítimo de Vigo, e Manolo Seoane, responsable da Semana Acanca. Xunto con Jacobo Pereira, presidente da FGEN, definíronse os principais detalles desta exhibición que busca achegar á cidadanía o mundo dos deportes náuticos.
A exhibición incluirá demos espectaculares de wakeboard, wakesurf e Dragon Boat 22, contando coa participación de deportistas galegos de referencia. Será unha xornada gratuíta e aberta ao público, orientada tanto a afeccionados como ao público xeral.
O evento conta co apoio institucional do Concello da Coruña, Turismo da Coruña, Deporte Galego, a Xunta de Galicia, así como da Marina Coruña e empresas colaboradoras como Gadis, Vanguard, ATX Surf Boats, entre outras.
Desde a Federación agradecemos o compromiso e implicación de todas as entidades participantes, e convidamos a toda a veciñanza a gozar dunha auténtica festa náutica na cidade herculina.
A nosa deportista Simoneta Suárez acadou un espectacular 10º posto no Campionato de Europa sub14, celebrado esta semana en Seseña (Toledo), converténdose nunha das mellores esquiadoras da súa categoría a nivel continental.
🔝 Con tan só 13 anos, Simoneta deixou atrás a rivais de potentes seleccións como Francia, Italia ou Reino Unido, demostrando un talento e unha madurez deportiva que auguran un futuro brillante para o esquí náutico galego e español.
💪 Este resultado é froito dun programa de adestramentos tutelado polo adestrador e récord absoluto de España Iván Morros, nas instalacións de Botaski, onde se preparou en condicións de máximo nivel competitivo.
📣 Este gran paso adiante foi posible grazas ao apoio da Federación Galega de Esquí Náutico, do Clube Esquí Náutico Dummies e da Deputación de Ourense, que subvencionaron en gran medida esta preparación deportiva de alto nivel.
📺 A gran final disputouse o domingo e puido seguirse en directo a través de streaming, cunha gran expectación por parte da comunidade deportiva.
Desde a FGEN felicitamos con orgullo a Simoneta e continuamos traballando para ofrecerlle ás nosas promesas as mellores condicións para seguir medrando. O futuro do esquí náutico galego está asegurado!
A nosa deportista Simoneta Suárez está a brillar no Campionato de Europa U14 en Seseña (Toledo), conseguindo un excelente resultado nas eliminatorias que lle permite clasificarse para disputar as finais este domingo 🙌.
🎯 Final: domingo 21 de xullo
🕗 Hora: 8:00 h (hora galega)
📺 Síguea en directo en streaming:
🔗 https://www.youtube.com/live/7tO-Ldgq7lM?si=Jh_2vOtGaii-W3lN
💙 Apoio da FGEN e adestramentos de elite en Botaski
Este logro é froito do traballo constante e tamén do apoio da Federación Galega de Esquí Náutico, que vén de impulsar un programa de adestramentos específicos para Simoneta nas instalacións de Botaski (Madrid) 🛶.
Durante estas sesións, estivo tutelada polo adestrador e récord absoluto de España, Iván Morros 🇪🇸, un referente nacional que compartiu colexios clave para mellorar o rendemento e perfeccionar a técnica de cara a competicións internacionais.
📍 Lugar: Botaski (Madrid)
👤 Adestrador: Iván Morros
📅 Período: preparación previa ao Europeo
🎯 Obxectivo: Alto rendemento e pulido técnico
Desde a FGEN queremos felicitar a Simoneta polo seu gran papel e animar a toda a familia do esquí náutico galego a seguíla en directo este domingo. A forza do deporte base está no apoio colectivo! 💪🌟
