O Parque Náutico de Galicia de Castrelo de Miño acolleu este sábado a disputa do Open Ibérico Semana Abanca–Copa Deputación de Ourense de esquí náutico, wakeboard e wakesurf, cunha participación duns cincuenta riders do Club Esquí Náutico Dummies Ourense, Agolada Clube Náutico, Real Club Náutico de Vigo, Club Náutico San Telmo e Club Esquí Náutico Madrid (Cerro de Alarcón), ademais de varios riders portugueses.
O Club Esquí Náutico Dummies foi o gran protagonista da xornada: sumou 12 podios (3 ouros, 4 pratas e 5 bronces), a cifra máis alta de todo o campionato, tanto en volume de podios coma en número de títulos.
Campións por disciplina
- Figuras: Álvaro Montes Gómez (Dummies) – 1.240 puntos
- Iniciación: Ariadna Presas Sánchez (Dummies)
- Wakesurf Máster: Miguel Baz (RCN Vigo)
- Slalom Senior: Luis Dieguez (CEN Madrid)
- Slalom Open: Alberto Porto Fernandes (Agolada)
- Slalom Sub 17: Pablo Fernandes Casal (Agolada)
- Minislalom: Nicolás Jiménez Ordóñez (San Telmo)
- Wakesurf Junior: Paco Riveras Muiños (RCN Vigo)
- Wakesurf Infantil: Candela Rey Sánchez (RCN Vigo)
- Wakesurf Femeninas: Raquel Fernández Rodas (San Telmo)
Resto de podios do Dummies
Ruy Andrade Pereira (subiu ao cadro en tres disciplinas: Slalom Senior, Figuras e Wakesurf Máster), Nicolás Grandjean Abando (2º en Slalom Senior), Aitana Vidal González (2ª en Minislalom e 2ª en Wakesurf Femeninas), Juan Pinal Osorio (3º en Minislalom), Pelayo Grandjean (3º en Slalom Open) e Lara Vicente Barreiros (3ª en Iniciación).
Resultados repartidos entre os cinco clubs
O Real Club Náutico de Vigo sumou 6 podios, con tres títulos (Miguel Baz, Paco Riveras Muiños e Candela Rey Sánchez). O Club Náutico San Telmo logrou dous campionatos (Nicolás Jiménez Ordóñez e Raquel Fernández Rodas). Agolada Clube Náutico sumou 5 podios e dous títulos (Pablo Fernandes Casal e Alberto Porto Fernandes), mentres que o Club Esquí Náutico Madrid (Cerro de Alarcón) levou o título de Slalom Senior da man de Luis Dieguez.
A organización agradeceu a implicación dos cinco clubs participantes e do corpo de xuíces, e xa traballa na vindeira edición do Open Ibérico, co obxectivo de consolidar Castrelo de Miño como sede habitual do calendario galego de esquí náutico e wakeboard.
Agradecementos
A Federación Galega de Esquí Náutico e Wakeboard quere amosar o seu agradecemento ao Club Náutico de Castrelo de Miño, ao Concello de Castrelo de Miño, á Semana Abanca e á Deputación de Ourense, pola súa colaboración e apoio na organización desta proba. Así mesmo, agradece o traballo e a implicación de todas as persoas que fixeron posible esta edición: o corpo de xuíces e cronometradores, os pilotos de lancha, os voluntarios e persoal de organización, os clubs participantes e as súas familias, sen os que non sería posible sacar adiante unha competición deste nivel.
